DIGMAAN SA SAN JUAN

   by Dada Aguilar on Friday, January 13, 2012 at 8:46am

Dumagundong ang mga yabag
Nagmamadali, Malakas
Palakas ng Palakas, naghahalong
Tunog ng bota't duguang truncheon

Hambalos sa kung saan-saan
Sipa, Hablot sa mga katawan
ng mga residente ng San Juan
Hatid ng berdugong kapupulisan

Mura, Tulak, Posas, Putok ng Baril
ang itinarak sa mga taong
maya-maya'y wawasakin ang kanilang tahanan
ng mga dapat sana'y magsilbi sa kanila

Daming mga batang humihikbi,
Daming mga bibig na sumisigaw
"Wag nyo kaming saktan,yurakan
Di kami mga hayup, kami ay may karapatan"

Kumalat sa daan ang mga pusong
naghihinagpis, winasak ng karahasan
Bali ang kamay,
Putok ang ulo't
May mga sugatan galing sa baril ng berdugo.


Subalit di nagpahuli ang inaapi
Di nagpa-agos sa karahasan
Tumindig, sila'y nagbigkis at
Hinarap ang hamon ng hagupit ng kaaway.

Sumiklab ang Digmaan sa San Juan
Nagpakawala ng mga bote na animo'y granada
Inasinta sa kalaban ang tirador na tila M16
Umatake,Marubdob na dumadaluyong ang
palabang diwa ng inaapi't pinagsasamantalahan.

Di mapipigilan ang pagtatanggol ng mamamayan
sa kanilang sarili,pamilya at mga kababayan
Kahit anong gawin ng mga ganid
Ang pakikipagdigma ay di mapapatid

Hanggang iwawagayway ng taumbayan
ang bandilang pula,tanda ng paghihimagsik
at sabay-sabay na itatayo ang bahay

na kang nakalipas na araw ay winasak ng kaaway.

NEWS | International Conference to form global movement of artists and writers

The first-ever International Conference on Progressive Culture (ICPC) concluded with a Declaration of Unity to form a movement of progressive artists, writers and cultural workers from all over the world.

More than 80 participants of the Conference with their paintbrushes, pens, guitars and other art instruments and equipment marched in the University of the Philippines in Diliman to mark the end of the three-day Conference which talked about artists’ rights and welfare, grassroots culture and people’s art.

In the Declaration of Unity, the participants coming from the United States, Canada, Mexico, Pakistan, Palestine, Taiwan, the Netherlands, Germany, Mexicoand the Philippines renewed their commitment to advancing the rights and welfare of the people in the midst of a deep economic crisis of the world capitalist system.

“We were driven by a desire to bring progressive artists, cultural workers and media practitioners together to discuss our role and place in the ongoing struggle for social, economic and political justice and true freedom…we believe that the artist’s place is in the struggle,”saidMalcolm Guy of the International Organizing Committee of the ICPC and General Secretary of the International League of Peoples’ Struggles (ILPS).

On the last day, New York Times reporter Caloi Conde, German publisher Mustafa Kilinc and Filipino-American youth leader Eric Tandoc gave the input on the role of media and new technologies.AnikSioui of the indigenous women drumming group Odaya, Mexican singer-composer Rosa Martha Zarate Macias and Negros-based cultural worker AlejandroDeomaled the discussion on people’s art and cultural work at the grassroots.

After several speeches, workshop discussions and group reports, the participants agreed to coordinate international actions and unite more artists and writers into progressive cultural work.

Most of the Conference participants will attend the forthcoming assembly of the International League of Peoples’ Struggles where they will draw up a general resolution and a plan of action, including organizing the next conference on progressive culture.#

References:
http://peoplesart.info/

MEDIA ADVISORY: Para sa Hunyo 30, 2011 PNoy, We Don’t Want Your Coins, We Need change!

Sa ika-Isang Taon na panunungkulan ni PNoy ay walang ibinigay na tugon ito kundi bulagin at paniwalain ang mamamayan sa kanyang mga “barya-baryang” programa na magtatawid daw sa “matuwid na daan”.

Sa araw ng paggunita sa kanyang pagkakaluklok ay isasalarawan sa pamamagitan ng pagtatanghal ng Kaboronyogan Cultural Network ang malaking pambobola ng rehimen ni PNoy sa mamamayang patuloy na naghihikahos sa kasalatan ng lupa, trabaho at serbisyong panlipunan. Irerehistro sa araw na ito ng mga makabayang manggagawang pangkultura ang panawagan ng mamamayan na hindi “barya” kundi tunay na pagbabago.

Magsisimula ang pagtatanghal sa Legazpi City Market, Daraga Market at Pinaglabanan (Infront of LCC Legazpi), 8:00am- 12:00noon.


Dada Aguilar
Secretary General
Kaboronyogan Cultural Network
4356023

PNoy, We Don't Want Your Coins, We Need CHANGE!

Protesta ng mga Bikolanong Artista at Mamamayang Bikolano Laban sa Barya-baryang inilalakong programa ni PNoy. Pagsusuri at Panawagan ng mga artista at mamamayan sa isang taong panunungkulan ng administrasyong US-Aquino.

Sa lahat ng Artistang Bikolano - Lumahok sa pagkilos at manawagan para sa tunay na pagbabago. Mag ambag ng tula, sayaw at awit.

 

Thursday, June 30, 2011 · 8:00am - 12:00pm

Daraga Market, Legazpi City Market, Pinaglaban (Infront of LCC Legazpi

Sa mga katanungan, mag-email sa kaboronyoganbicol@gmail.com


Kita-kits!

Pagbati sa Panrehiyunal na Asembliya ng kaboronyogan Cultural Network!

( Mensahe ng Pakikiisa mula sa KARAPATAN - BICOL )

Nalulugod ang KARAPATAN - Bicol sa aktibidad na ito. Sa kadahilanang mas lalong sisigla at lalakas ang gawaing pangkultura sa rehiyon. Ganundin, mas mapapataas ang antas ng kamulatan ng mga mamamayang bikolano sa mga isyung napapanahon at maipapatimo sa mga ito ang ibang tipo ng propaganda sa pamamagitan ng iba't-ibang klase at anyo ng mga pagtatanghal na nagsasalarawan sa kalagayan ng masang anakpawis.















Bilang mga manggagawa sa Karapatang pantao - malaki ang tulong ng kulturang pagtatanghal sa lahat ng uri ng pagpapahayag at pagsasalarawan ng mga nangyayaring paglabag at pagyurak sa karapatang pantao sa rehiyon.

Sa tumitinding krisis at pambubusabos sa atin ng Gobyernong walang inatupag kundi ang pagsilbihan ang interes ng naghaharing uri at ng mga dayuhan. Nararapat lamang na pataasin, paunlarin ar isustini natin ang mga iba't-ibang uri ng Sining.

Hindi pwedeng ihiwalay ang kultura ng pagbabago sa atin bilang mga organisador at tagapagtaguyod ng syentipikong kultura. Kung kaya tayo mismo ang dapat na magtataguyod rin nito. Hamon ito sa atin at para sa susunod na mga henerasyon.

Para sa makabayang manggagawang pangkultura, Kami ay sumasaludo sa inyo!

Pagpupugay sa mga Manggagawang Pangkultura

( tula na isinulat ni Tessa Lopez ng BAYAN - BICOL )

Kayong may tangan ng kambas at pintura
Na gumuguhit ng larawan ng lipunan
Sa inyong bawat obra
Nabibigyang buhay ang bawat adhika

Kayong kumakalabit ng gitara
At lumilikha ng iba't-ibang musika
Ang inyong tinig at himig
Gumigising sa aming mga diwa

Kayong may hawak ng pluma at papel
At nagsasatitik ng mga tagong damdamin
Sa inyong bawat kataga
Nasasalamin ang kalagayan ng masa

Kaming di man pinagpala
Ng talento't galing sa paglikha
Ang inyong minulat sa tunay na halaga
Ng isang makabayang sining at kultura

Ang inyong talentong taglay
Sa pakikibaka'y buong-pusong inalay
Ang inyong obra't likha
Dakilang ambag sa kilusang mapagpalaya

Sa mga makabayang manggagawang pangkultura
Sa inyong makabuluhang ambag sa lipunan
Marapat lamang na kayo'y handugan
ng isang taas-kamaong pagpupugay

KumaKALAMpag!

Pebrero 10,2011 ay nagkumahog ang kabo, hindi dahil sa nagka-cram na naman kami (hehehe)kundi sa naguumapaw na mga ideya kung papaano makakatulong sa ating mga kananayan sa pangungunga ng SAMAKANA - GABRIELA para sa gagawing "noise barrage" sa mga palengke ng Legazpi at Daraga kaugnay ng nakakalulang pagtaas ng mga presyo ng bilihin na ating nararanasan. kanya-kanyang banat sa paghawak ng mga brush at pagpipinta ang kabo ng mga placards na "higanteng" imahe ng mga batayang bilihin katulad ng sardinas, noodles, bigas, sabon at samut-saring gimik upang ipakita ang mahigpit naming pakikiisa sa mga panawagan na "VAT at OIL DEREGULATION LAW, IBASURA!". At noong Pebrero 11,2011 ay kinalampag ng mga nanay ang mga kalderong walang laman upang ipaabot ang mga panawagan. Ang pagpwesto sa mga palengke ay hindi upang ihapag ang mga hinaing sa mga manininda sa pagsirit ng pagtaas ng presyo ng mga bilihin kundi ang matinding krisis na kinakaharap natin ay nakakaapekto hindi lamang sa mga bumibili kundi maging sa mga manininda at sa kalakhan ng mamamayan sa kabuuan. Ang pakikiisa ng Kabo sa pagkilos na ito ay nagpapakita lamang na ang mga makabayang artista at manggagawang pangkultura ay hindi hiwalay sa mga sektor na nakakaranas ng matinding kahirapan sa kasalukuyan. At ang masiglang paglahok na ito ng Kabo ay magtutuluy-tuloy kasama ang iba pang mga sektor sa mga susunod na pagharap natin sa ating hangarin ng tunay na pagbabago.